Astelehenean irekiko da Udal ikastaroetan izen-emateko epea.
Irailaren 30 arte eman daiteke izena Udal bulegora joanda edo bertara deituta (948514006)
2020-2021 ikasturtean honako udal ikastaroak eskeiniko dira.
Pilates: Tonifikazio eta luzaketa ariketetan oinarritzen den metodoa. Barne giharrak indartzea eta jarrera egokitasun eta gorputz oreka mantentzea bilatzen da.
Jumpfit: Ohe elastiko baten gainean musikaren erritmora egiten diren koreografia eta ariketez osatutako jarduera.
Total training: Norberaren egoera fisikoa, oinarrizko indarra eta erresistentzia hobetzea helburutzat duen jarduera fisikoa, tonifikazio ariketa ezberdinez osatua eta material eta autokarga ezberdinekin egiten dena.
Eskulanak: Mota ezberdinetako eskulanak (pintura, eskulturak, etxerako objektuak, apaingarriak...) eginen dira monitore baten laguntzaz.
Urtarriletik martxora:
Musikoterapia: Musikak gidaturiko irudiekin (GIM), musika inprobisazioaren bidez, musika eta mugimenduzko jarduerekin, kantuen sorkuntzaz eta mandalak medio, emozio, pentsamendu eta kezka desberdinen miaketa eta adieraztea eragingo da.
OHARRAK:
- Taldea ateratzeko gutxienez 8 pertsona apuntatu beharko dira ikastaroan, pertsona gehiago apuntatuz gero merkeago izanen da ikastaroa.
- Aforoari dagokionean 12 pertsonako taldeak izanen dira gehienez.
- COVID-aren inguruko neurriak beteko dira.
- Musikoterapia kenduta, ikastaroak urritik maiatzera izanen dira
- Izen-emate ordenaren arabera esleituko dira
- Goizuetan erroldatuek lehentasuna izanen dute
- Ordainketa bi zatitan: 1. urrian eta 2. ilbeltzan
- 57 saio izanen dituzte ikastaroek (eskulanak 30 eta musikoterapiak 10 saio)
- Musikoterapian apuntatzeko azken eguna ere irailak 30 izanen da
- Plaza libreak izanez gero, ilbeltzan apuntatzeko epea irekiko da
