Harategia alokairuan hartzeko deialdia zabalik

Hainbat urtez Ximon Apezetxeak eraman ondoren, hurrengo egunetan negozioa utziko du.

Urte mordoska batean Ximon izan dugu Goizuetako harategiko gidari, baina, ebakuntza bat dela medio, laister negozioa uztekotan dela azaldu dio Udalari. Lokala Udalarena izanik, aukera eder hau aprobexatuz negozioarekin aurrera jarraitzeko interesa dutenek martxoaren 4a bitarteko epea dute alokairuari buruzko informazioa eskatu eta zalantzak argitzeko. 

Horretarako Udal bulegora deitu (948514006) edo hurbildu beharko dute interesatuek.